اجمل ما قال الملتاع..

[ksa___boy]

http://tbn0.google.com/images?q=tbn:NoEr-ywtXqRu8M:http://www.talal-



سوف اطرح لكم قصائد تعتبر من اجمل ما قال الشاعر الراحل طلال الرشيد رحمه الله..



علمتني

علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى

اخرحـــــــــــــــــــــــب

كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب انيرلقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعد اجلس معي نحتريك

تعال شفني وانا استناك ك اشبهك
يطري علي الف راي و راي واحتارفيك

اجي مكان الوعد والا اسبقه انطرك
والا آخذ الموعد اللي يحتريك واجيك

يا آخر الحب ذقت الحب في اولك
ويا اول الشوق اقصى الشوق ما ينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وان رمشت افقدك
واخاف افتح وتصبح حلم ولا التقيك

وسلامتكمــ رحمك الله يا بو عبدالعزيز..

[دلوعة ابوها]

الله يرحمه

وصح السانه كان شاعر بمعني الكلمه

سلمت يداك ولد السعوديه

على نقلك للقصيده الرائعه

لاتحرمنا منك ومن جديدك

العذب

دمت بود