بـْـري حـْـالـْـي
08-25-2008, 11:36 AM
دخلـت دلوعـه ومحتـاج تدليـع = عمر الدلع مامرنـي فـي حياتـي
الا مع اللي في هجـاع المهاجيـع = زوله يداعـب نعستـي والتفاتـي
أجمل غزالٍ ارضعوه المراضيـع= ماغاب في يومي ولا في سباتـي
مباضعه سوّن بجسمـي مباضيـع = غشيم حـال وزاد كـي الفتاتـي
الربـع كـلٍ شاهـرٍ بالمطاليـع = وانا نسيت عمامتي مع عصاتـي
مثل الغراب اقلّد المشـي واضيـع = واللي بـلاه الله يسـوّي سواتـي
هذي حقيقه من أهـم المواضيـع= وحضّرت لقوالـي شهـودٍ ثباتـي
ماقلت حرفي يالاجاويـد تصنيـع = صحيح والله واسمعـوا حادثاتـي
غروٍ برى حالي نهـوده مطاليـع = مثل الفقع بيـن الزهـر والنباتـي
نقّض على قلبي جميـع المواجيـع = وخـلا لهاتـي ماتفـارق لهاتـي
انظم من الاشعار شعري توابيـع = ويصدم صدى حرفي لسمعه وياتي
جملة غصون الفكر عنده مهازيـع= واذا وقف ريّـه فهـن يابساتـي
غروٍ غرامه مزّع القلـب تمزيـع = طيب وطيبه عندي اغلـى هباتـي
لكـن مبهذلنـي اذا جيـت ابذيـع = اصارحه واخاف هرج الشماتـي
نوعه غريب ولا لنوعـه تناويـع = نجل العيون خدودهـا ضاحكاتـي
تشوف لسنونـه لعـاج وملاميـع = برقٍ بسقـف غيومـه السارياتـي
اونس بقلبي مثل ضرب الفواريـع = احتاس ودموعي تحـوّل شتاتـي
يميل غصنه في هبـوب المرابيـع = نحيـل قـد ردوفهـا زاميـاتـي
لين الزهر في وسط حوض الينابيع= يفوح ريحه مع هبـوب الصباتـي
والساق ساق الحال سقم ومصاريع = والزنـد لكمومـه يبتّـه بتـاتـي
طبّعني اطبع منـه كـل التطابيـع = يحفظك ربـي يازعيـم البناتـي
تسكرت عندي جميـع المشاريـع= بالوصف ماتضفي عليـه العباتـي
أصل السناعه بنت ناسٍ مسانيـع = نور الوطـن واكوانـه الكايناتـي
الشعرا عنـده جيـاع ومجاويـع = اشعارهم عن وصفهـا قاصراتـي
تدللـي نـوره وبسمـع وبطيـع = عسى سنينـك بالسعـد عامراتـي
وانكان هجرك حال دون المطاميع = ارجي العوض بايامـي المقبلاتـي
الا مع اللي في هجـاع المهاجيـع = زوله يداعـب نعستـي والتفاتـي
أجمل غزالٍ ارضعوه المراضيـع= ماغاب في يومي ولا في سباتـي
مباضعه سوّن بجسمـي مباضيـع = غشيم حـال وزاد كـي الفتاتـي
الربـع كـلٍ شاهـرٍ بالمطاليـع = وانا نسيت عمامتي مع عصاتـي
مثل الغراب اقلّد المشـي واضيـع = واللي بـلاه الله يسـوّي سواتـي
هذي حقيقه من أهـم المواضيـع= وحضّرت لقوالـي شهـودٍ ثباتـي
ماقلت حرفي يالاجاويـد تصنيـع = صحيح والله واسمعـوا حادثاتـي
غروٍ برى حالي نهـوده مطاليـع = مثل الفقع بيـن الزهـر والنباتـي
نقّض على قلبي جميـع المواجيـع = وخـلا لهاتـي ماتفـارق لهاتـي
انظم من الاشعار شعري توابيـع = ويصدم صدى حرفي لسمعه وياتي
جملة غصون الفكر عنده مهازيـع= واذا وقف ريّـه فهـن يابساتـي
غروٍ غرامه مزّع القلـب تمزيـع = طيب وطيبه عندي اغلـى هباتـي
لكـن مبهذلنـي اذا جيـت ابذيـع = اصارحه واخاف هرج الشماتـي
نوعه غريب ولا لنوعـه تناويـع = نجل العيون خدودهـا ضاحكاتـي
تشوف لسنونـه لعـاج وملاميـع = برقٍ بسقـف غيومـه السارياتـي
اونس بقلبي مثل ضرب الفواريـع = احتاس ودموعي تحـوّل شتاتـي
يميل غصنه في هبـوب المرابيـع = نحيـل قـد ردوفهـا زاميـاتـي
لين الزهر في وسط حوض الينابيع= يفوح ريحه مع هبـوب الصباتـي
والساق ساق الحال سقم ومصاريع = والزنـد لكمومـه يبتّـه بتـاتـي
طبّعني اطبع منـه كـل التطابيـع = يحفظك ربـي يازعيـم البناتـي
تسكرت عندي جميـع المشاريـع= بالوصف ماتضفي عليـه العباتـي
أصل السناعه بنت ناسٍ مسانيـع = نور الوطـن واكوانـه الكايناتـي
الشعرا عنـده جيـاع ومجاويـع = اشعارهم عن وصفهـا قاصراتـي
تدللـي نـوره وبسمـع وبطيـع = عسى سنينـك بالسعـد عامراتـي
وانكان هجرك حال دون المطاميع = ارجي العوض بايامـي المقبلاتـي