وش تسوي لوعشقت انسان ماهو من نصيبك؟؟؟

[بـْـري حـْـالـْـي]

السلام عليكم ورحمة الله وبركاته


وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!

وشهو ذنبك لو غدى من بين خلق الله حبيبـك
تعرف إن قربه محال .. و قلبك مصمم يحبه ؟!


و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه!!

كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـه !!

كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه

ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه

وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!



واللي وده يجاوب عن السؤال يجاوب بصراحه
وش تسوي لو عشقت انسان ماهو من نصيبك؟


تحياتي للجميع

[دوم يطريكـ]

صح الله اللسانك يالامير

قصيده في قمة الروعه بري حالي

الله لا يهيينك .

امتنع عن الاجابه اذا بتسمح لي.

تقبل مروري بكل ود واحترام.

[بـْـري حـْـالـْـي]

فديتكـ والله على المروور

[دلوعة ابوها]

صح السانك بري حالي


ماعترض على حكمة ربي ارضاء بالواقع:(

ويعطيك العافيه وماقصرت لاهنت

دمت بخير

[بـْـري حـْـالـْـي]

شكرآآآآ اخت دلوووعه ابوها على هذا المرور الطيب

وهذا والله احسن رد فديتش

[الشمـــوخ]

صح السانك

ورد على سؤالك
بعشقه لاخر يوم فى حياتى

واسمه ما يمحى من بالى ابد

يعطيك العافيه

[بـْـري حـْـالـْـي]

اجل الله يعينش عليه هههههههه

وشكرآ على المرور