أقص الراس قدامك ،، و لا أخضع لأشكآلك !!

[فديت ديرتي]

مساء الخير ...

هذا الشعر عن الخيانه و الفراق < لوووول

أتمنى يعجبكم هالشعر ..

جبرك الوقت ترجع لي جبرك و جيتني ندمان
دمرك الشوق يا خاين و جيت تسابق ظلالك

عرفت الحب بغيابي عرفت انك معي غلطان
تأكد ما يشرفني طريقٍ دربه وصالك ..

تبيني أخضع لجل عينك و أنا ما اخضع و مهما كان
أقص الراس قدامك ولا أخضع لأشكالك ..

لعبت بحسبت جروحي و كتبت من الحزن عنوان
و نسيت اللي يحبك موت و صار الغير يحلالك ..

اذا غيري يبي قربك و صرت في بحره الغرقان
نصيحه لا يموت الحب و من قلبي هنيالك ..

تشبّ النار في قلبي و تنسى إني معك إنسان
تخالط بالشقا هيلك و صب الهم فنجالك ..

بعد ما انقلبت الدنيا تجيني محترق ولهان !؟
و تقول ارجوك سامحني ووعد من اوفالك ..

تبي قربي ؟ انا حاظر و لكن بطلبك من شان ..
تشوف شلون لي عزّه ترد الجروح لأمثالك ..

أبي تبكي على شاني و أبي تصرخ من الحرمان
و لو إني بآخر الدنيا أبسمع صوت موّالك ..

أبيك تصير مجنوني و من شافك يجي شفقان ..
يقول شلون علّمني و شاللي غيّر أحوالك ؟!..

تدل الدرب من دروبي و قدمك سكة الأحزان ..
توكل لا تناديني و يعينك الله على حالك ..

و انا يكفيني ذليتك و حديتك على الهجران ..
تقول اموت من بعدك و أقول هناك أشوالك ..

غسلت ايديني من حبك و برحل و اهجرك يافلان
فمان الله و باقي لي نصيحه خلّها في بالك ..

ترى من يضحك الاول مصيره في اللعب خسران
و انا من يضحك الثاني عشان يحطم آمالك ..

سلامتكم ..
ملاحظه : القصيده إهداء لكل خاين و لكل شخص ما يقدر الحب ...

[دوم يطريكـ]

صح الله اللسانج وتسلم يمناك يالامير

قصيده رائعه من قلم مبدع

بنتظار جديدك العذب

تقبل مروري بود وتقدير

[حسـايف]

http://www.lilwaqamar.com/uploads/images/www.lilwaqamar.com86346e7116.gif (http://www.lilwaqamar.com/uploads/images/www.lilwaqamar.com86346e7116.gif)