قصيدة الجادل للشاعر ضيدان بن قضعان العجمي

[بـْـري حـْـالـْـي]

.+**+. الــــــــــجــــــــــادل .+**+.



الـجــادل الـلــي يـمــر الـقـلــب شـارعـهــا
بـيـن الـحـنـايــا تـعــدى مــا تـطـالـعـنــي


تـقـفــي مــع الــدم بـعـروقــي واتـابـعـهــا
واحـس كـنـهــا عـلــى نـفـســي تـوزعـنــي


قـامـت تـبـعـثـر غــلا وان جـيــت اجـمـعـهــا
اضـمـهــا و اتـشـتــت لـيــن تـجـمـعــنــي


بـيـن الـحـنـايــا تـثـنــى فــي مـرابـعـهــا
كـنـهــا تـقــول اتـحــدى مــن يـطـلـعـنــي


دام الـحـشــا بـيـتــهــا وانـــا مـدلـعــهــا
وش دخـل الـقـلــب يـزعــل يــوم تـوجـعـنــي


ولـيــا خــذا رمـشـهــا رجــل يـطـالـعــهــا
لـعــل رمــش خــذانــي مـــا يـرجـعــنــي


عـيـونـهـا جـيــوش و الـنـظــرة طـلايـعـهــا
غـارت بـصـدري و جـاز لـسـيـفـهــا طـعـنــي


ويـوم انـكـفـت لـيـن قـلـبـي مــن قـلايـعـهــا
والـصـبـر عـن خـافـقـي مـاعــاد يـنـفـعـنــي


مـدهـالـهـا الـقـلـب و عـيـونــي مـراتـعـهــا
امــوت فـيـهــا وهــي لـلـريــح تـزرعــنــي


لـو تـدري الـريــح عــن هــادي طـبـايـعـهــا
مـاهــزت غـصــون قـلـبــي لـيــن ودعـنــي


ريـحـانـتــي و الـغــلا بـالـقـلــب زارعــهــا
تـشـرب عـروقــي و تـروانــي و تـشـبـعـنــي


كـن الـنـحـل مـن رحـيـق الــورد مـشـبـعـهــا
وانـا شـمـوخـي مــن احـلــى شــي جـوعـنــي


ولـيـا تـعـانـق خـجـلـهــا مــع تـواضـعـهــا
عـانـقـت لـيــل عـلــى مـســراه شـجـعـنــي


لـو يـنـســري لـيـلـهــا سـريــت بـايـعـهــا
بــشــر ولا الله عـــن الــزلــة مـرفـعــنــي


واصـبـحـت مـن عـقـب مـانـي ضـدهـا مـعـهــا
ان ضـاعــت اضـيــع وان دلــت تـسـنـعــنــي


وان شـفـت بـالـعـيـن قـلـبـي بـيـن اصـابـعـهـا
ســجـــدت لــلـــه ..ويالله لاتـضـيــعــنــي


وان جــات لـلـجــد و اسـقـتـنــي مـدامـعـهــا
عـلـمـتـهـا الـدمــع لـلـعـشــاق وش يـعـنــي


الـدمــع صــوت الـيــا غــازل مـسـامـعــهــا
تـشــوف صـوتــي واذا مـريــت تـسـمـعـنــي


والله مـاكــنــت اطـاوعــهــا ولا اسـمـعــهــا
لـكـنــه الـحــب سـمـعــنــي و طـوعــنــي


لـلـجــادل الــلــي شـرايــنــي شـوارعــهــا
الـقـلـب يـقـتـادنـي و الـنـفــس تـمـنـعـنــي

[دلوعة ابوها]

الله


ابدعت بري حالي

على نقلك للقصيدهـ الرائعه

لاتحرمنا منكـ ومن جديدكـ

الذؤؤؤق

دمت بود

[بـْـري حـْـالـْـي]

لاهنتي دلوعه ابوهاا على المرور

[شاهين]

سلمت يداك يامبدع
ومن العايدين

[بـْـري حـْـالـْـي]

الله يسلمـكـ شاهين

والله لايحرمنـا من ردودكـ الرائعـه

[سراب الدمع]

كلـــــــــــــــــــــك إحساس وذوووووووووووق وكلامك كله عذوووبه

[بـْـري حـْـالـْـي]

لاهنتي سراب الدمع على المرور

وهذا من ذوقش يالغلا

[مـــحـــمـــد]

لاهنت على نقل القصيده

وصح السان ضيدان ابن قضعان العجمي

وتقبل مروري ودمت بود

[بـْـري حـْـالـْـي]

ولا أنت الود

وصح بدنـكـ

ويعطيـكـ العافيه على المرور

[عطر الجوري]

صــــــــــح لسان الشاعر


وتسلم ايدينك بري حالي على النقل المميز

لاحرمناك

[بـْـري حـْـالـْـي]

الله يسلمش عطر الجوري

ولاهنتي على المرور

[JaSi]

لاهنت على النقل يابري حالي وصح السان الشاعر

تقبل مروري


وشكرا

[بـْـري حـْـالـْـي]

ولاأنت اخ جراح العجمي

ويعطيـكـ العافيه على المرور